(نبيذ أصفر)بقلم:أ.أمير الحرف
الأكاديمية السورية الدولية للثقافة والعلوم
.
نبيذ أصفر
من غيرتها عليّ
كل الألوان توحدت
و لبست لي الأصفر
كانت تلبس الصبح
أبيض و مرة زهري
و مرات أخضر
حلو عليها كتير
الأزرق الشامي ويا دلي
شو حلو عليها الأحمر
تسرق مني النبض
لما بالكعب العالي تمر
متل طاووس تتبختر
على جنب خصلات
شعراتها الناعمة تشكل
وردة بلون أحمر
و نسمة ياسمين تهف
لما تمر حدي تخطفني
و كل شي فيّ تسحر
و بطرف عينها تنظر
نظرة هيام حتى
دوب أنا و أكتر
و لكل لون معنى و
قصة عشق أما للغيرة
تروح تلبس لي الأصفر
ساعتها تسرقني
من حالي و العقل
وقّف ما عاد فكر
برأيكم بعد كل هل
وصف كيف من
حركاتها ما بدي اسكر
لأول مرة يا عمري
عرفت أن نبيذ عشقك
لونه أصفر أصفر
بقلمي أمير الحرف
.
تعليقات
إرسال تعليق