حرف وكلمة/بقلم الشاعر عمار يزبك
🌹🌹.. حرف وكلمة....
الكلمة أمانة....... و الحرف غاية/ي
بتحكي قصص من حُب و حكاية
بلب السما....... يا حرفنا منشور
ريحة عطر...... و مساكبك بخور
و لما يطل من الصبح هالنور
هَبة نسيم و زقزقة عصفور
حرف العشق بيصير تحلاية
هالحرف إلنا...... و الحرف منا
منرسم صور تشبه ملامحنا
طَل الصبح بالخير صَبَحنا
و عند المسا مع حرفنا سرحنا
نجوم و قمر أيامنا الجايي
بكلمة زغيرة منرسم البسمة/ي
مع حرف شاعر سَابق النسمة
ربك عطاك من الحرف نعمة
سطِر حروف النور بالكلمة
و إشفي جرح يا حامل الراية
و لما يطل من الصبح هالنور
هبة نسيم.... و زقزقة عصفور
حرف العشق بيصير تحلاية/ي
🌹🌹 بقلمي،، عمّار يزبك....
تعليقات
إرسال تعليق