شريكة عُمر/بقلم الشاعر عمار يزبك
ما جمّعه الله لا يفرقه إنسان....
🌹 شريكة عُمر......
شريكة عُمر... كل الدفا فيكي
عرش القلب و القلب بهديكي
روح الورد ما بترتوي بالمي
خلقتي تا نبض القلب يرويكي
فيكي سحر و الكحل خيط النور
و العطر عود....... مدَّمج ببخور
لولا مشيتي عالبحر بيفور
موج الحلىٰ يلحق خطاويكي
ورد الدني مع طلتك بيطل
عشق القلب أنتي يا ست الكل
و لما تغيبي،،،،،، هالقمر بيفل
و نجوم صارت تسأل عليكي
فوق الأرض أنتي القمر ذاتو
بتغازلك بالليل....... نجماتوا
قلبي بوفا ضويت شمعاتوا
و وقت الغفا بعيني بغفيكي
روح الورد ما بترتوي بالمي
خلقتي تا نبض القلب يرويكي
كل عام وأنتِ حبيبتي،،،
🌹🌹 بقلمي،، عمّار يزبك...
تعليقات
إرسال تعليق