خيطان/بقلم الشاعر عمار يزبك

 😔😔

              خيطان،،،،،،،،

جن البرد...... و البعد زاد كتير

صيف الدني بس القلب بردان

ذكرىٰ حلم من شوق قلب كبير

كومة صور ،، و معلّقة بخيطان

و خطوات فوق دروب منسية

و الدمع ساكن جمر،،،،، عينيي

مليت  من حُزن  السكَن  فيي

مشتاق  قلبي  للفرح  جوعان

فايض حنيني و شوق حبري داب

فوق  الورق  تا  يعاتب  الأحباب

و العمر عم يركض متل دولاب

قلبي  مفارق  و  الفكر  حيران

ضويت شمع خيال حد خيال

نتمايل  و نذكر  صور  عالبال

شو  غَربونا  و غَربو..... الموال

و الروح داخت دَوخة السكران

ذكرىٰ حلم من شوق قلب كبير

كومة صور  و معلّقة  بخيطان

      😔😔 بقلمي،، عمّار يزبك....