من حكايا الليل /بقلم نسيم ح حنا
من حكايا الليل
يا ضيعتي
يا ضيعتي قديش محلاكي
توب الربيع كتير حلّاكي
وردو ع كتفك والزهور غمار
كفو بايدك صار يهواكي
زارع ع صدرك موسمو نوّار
خيط الشمس عالصبح بيحاكي
والفل حلّ قمار جنب قمار
دمعة ع خدو مدمعو باكي
حسون طاير صوب هالفوار
لملم ع جنحو عطرها الزاكي
وفراش داير والعشق أسرار
بوّس زهرها خجّلو تاكي
يا ضيعتي حبَك ألف قنطار
بمحبتك ما بقبل شراكة/ي
من حسنك الفتان الله صار
يوهب حلا عالشمس علّاكي
بقلمي
نسيم ح حنا
تعليقات
إرسال تعليق