فذكروا/بقلم الشاعر عمار يزبك
😔😔 فذَكروا....
آخر زمن،،،،،،
عَ مفرق الأيام في وهم و سراب
ساكن مفاصل عُمرنا و كلو عذاب
عشنا الأمل تا خلصت خيوط الأمل
باقي العُمر عم نحصدوا شوك و سراب
شو تغيَرت فينا الدني و نفوسنا
و صاروا القيَم عَ قد حجم فلوسنا
كنا نصلّي و نذكرك،،،،،،،، قُدوسنا
صرنا هياكل ماشية بتلبس تياب
منلقي العتب واللوم ع ظروف و تعب
و أيام صرنا نقول من الله؟؟ غضب
بعنا الضمير برخص و كنزنا الدهب
و كلو نسي!! أصلو الجايي من تراب
نسينا المحبة و ضاعت حروف النَقا
زرعنا الوهم تا نحصد مواسم شَقا
صلبنا العَدل و الفكر و نسينا التُقىٰ
و صَار الجَهل عالكون عم يفتح بواب
عشنا الأمل تا خلصت خيوط الأمل
باقي العمر عم نحصدوا شوك و ضباب
من التُراب و إلىٰ التُراب
😔😔 بقلمي،، عمّار يزبك،،،،
تعليقات
إرسال تعليق