رفيق العمر/بقلم الشاعر عمار يزبك
🌹🌹
رفيق العُمر......
____________
ياما علىٰ وراق العُمر حبرك نزف
يا رفيق عُمري حُبك بقلبي شغَف
اخترتك لروحي رفيق تا تبقىٰ معي
وياما الحبر من بوح أسراري كَشف
أنتَ رفيق الدرب ياما حملتني
بحُزن و فرح واسيتني و دللتني
بيوم الحزن،،،،،، بالعمر ما غربتني
بيوم الفرح هالحبر من قلبي غَرف
شو حملت للأحباب من حُب و وفا
و شو رسمت للغيّاب لوحات الدفا
كنت العهد صنت الوعد كلك صفا
لما زمان الغدر عَ قلبي عصَف
يا قلم أنتَ الخالد و ضلك معي
تا نقطف الكلمات بِ جد و سعي
عشقتك أنا من يوم ما قلبي وعي
و قديش حبرك من غَزل قلبي غَرَف
اخترتك لروحي رفيق تا تبقىٰ معي
و ياما الحبر من بوح أسراري كَشف
تحية حب لكل من حمل القلم سلاحاً له
🌹، بقلمي،، عمّار يزبك......
تعليقات
إرسال تعليق