أنا طماع/بقلم الشاعر عمار يزبك

 رمضان كريم وهكذا يكون الإيمان

كل يوم

أنا طمّاع

    "" "" "" "" "" ""

خلقني الرب طمّاع وأناني

بواب الكرم فتحلي وهداني

شكرت الرب ع النعمة الكريمه

بدنيي كان فيها الكل فاني

أنا طمّاع روح الزهر أجني

وأهدي العسل منو بالقناني

أنا طمّاع حتى الزاد أجمع

وقدم من عطا ربي صواني

بأمل صليت للمولى تايرجع

حاتم الطائي ويشعر بالإهانه

أنا طمّاع راس الجبل أطلع

قطف ورد بمحبه وأمانه

وقدم وردتي إلها وأركع

قلا بحبك وتحلا الأغاني

أنا طمّاع حتى الفكر يلمع

أكتب شعر بأحلى معاني

أنا طمّاع حتى الشمل أجمع

بيتيم ويشعر بحبي وحناني

أنا طمّاع حتى النبع ينبع

وقدم خير للسائل الداني

أنا طمّاع لما العين تدمع

أمسح دمعتا وتضحك ثواني

أنا طمّاع حتى الظلم أرفع

وحاكم كل سوء وكل جاني

أنا طمّاع حتى الفقر أمنع

شوفو ساكن بيوت ومباني

أنا طمّاع حتى الغرب يشبع

أجمع بين أمريكي وإيراني

أنا شاعر و عم صلي وأخشع

حتى الرب من خيرو عطاني

طمع للخير حتى الخير أعطي

وأشكر نعمتو وثبت إيماني

         بقلمي💞💞             دمشق ٢٠١١/.      عماريزبك،،،،