حبيتك والحب هبال /بقلم مصطفى عماري
حبيتك والحب هبال
يا كاملة الاوصاف
زين همة وجمال
غنجة وعيون غزال
عمري ما شوفت بحالها
في حياتي محال
قالولي العشق هبال
قلت هذا ما صار
عقلي عليها طار
نخمم فيها ليل مع نهار
يا ريت الساعة ادور
ونرجع لذاك المشوار
زين وهمة وشأن
حمقت أولاد الدوار
هي الغنجة صاحبة العيون السحارة
يا ريت منها تجيني بشارة
نظرتها الحنينة
جميلة وكريمة زاد عليها الزين
والهمسة بكلام رزين
تشعل في القلب النار
لو تقبل يدي نديها
معاها نقطع الابحار
يا ريت اليوم منها
توصلني الأخبار
مهرة الغنجة الحرة
حرة وبنت أحرار
عقلي عليها يا ناس
طار طار طار
بنت العشيرة
بنت الدوار
حبيتها مللي كنا صغار.
الدكتور مصطفى عماري
تعليقات
إرسال تعليق