جوه القلوب/بقلم الشاعر أسامه جديانه
جوه القلوب جراح
جوه القلوب ألم
أنا ندمي على اللي راح
والضمير أصبح عدم
لبست السواد وشاح
على حلمي اللي ما تم
نسيت طعم الأفراح
مش فاكر غير الظلم
ماشي فى البلاد سواح
شايل جبال الهم
لا ألم عايز ينزاح
ولاحتى جرح يلم
رحت لطبيب الجراح
قالي فين الألم
قلت فى قلبي براح
جرحي بلون الدم
قالي الزم السماح
وابعد عن اللي يغم
قلت منايا أرتاح
قلبي صار أصم
أزاي أسامح سفاح
قتلني بجرة قلم
بقى كل شئ مباح
ساقاني كاسات السم
بكى الطبيب بصياح
جرحك مادرسنهوش فى العلم
(((أسامه جديانه)))
تعليقات
إرسال تعليق