سنين بنبكي/بقلم الشاعر جمال حلمي ابراهيم عامر
سنين بنبكي ونضحك
بقلمي / جمال حلمي ابراهيم عامر
...........................................................................
سنين بنبكي ونضحك
وع الحال ده ماشيين
لا يوم سابتنا الدمعة
ولا بتنا ليله جعانين
الفرحة بتيجي ف لحظة
والحزن وراها سكاكين
لا بنعرف أيه متخبي
ولا بُكرة رايحين فين
أيام بتعدي وماشية
والعيشة كده بروحين
روح فرحانة بتضحك
وروح حزينة سنين
ياللي أنته حزين فُضك
وياريت تسمع وتلين
أيامنا وخداها هواية
ترقصنا شمال ويمين
أيام بقت ... حريفة
ف الرقص والتنكيل
علشان كده مش فارقة
نبكي نضحك مساكين
أسمعني وروق لحظة
وخد كلامي .... بلين
يمكن. تغير .... رأيك
وتعيش ولا السلاطين
الدم ده أصلا ثروة
حافظ عليه ياجميل
وأنسى الدنيا الفانية
كلنا رايحين رايحين
عيش أيامك بهجة
وطبطب ع المساكين
وأمسح دموعك ياله
ده الحزن حبله طويل
زمان انا كنت بعيط
ودموعي ع الخدين
نصحني عجوز مش عارفه
قالي كفاية ياحزين
زعلت منه .. ساعتها
وقولت عجوز ولعين
يومين وشافني صدفة
عملت فيها بهيم
خدت ف وشي ماشوفته
ضحك وقال ده كاهين
رجعت أبوس راسة
حسيت شيطاني رجيم
خدني ف حضنه ودمع
وقالي دقق ف العين
شوفت عيونه حزنت
من غير رموش مسكين
البُكا جاب نهايتهم
والحزن ساكن ف العين
عرفت. ساعتها. بس
اخد بالنصيحة ولين
واعيش أيامي المُرة
بضحكة تفك المكنون
واخلي الدم .. بارد
يمكن تحتاجة المظاليم
..............................................................................
تعليقات
إرسال تعليق