عتبة سنة / بقلم الشاعر عمار يزبك
🍀🍀
عتبة سنة.....
صرنا علىٰ عتبة سنة جديدة/ي
مشتاق أفْرح بس مو بإيدي
مرقت سنة فيها حزن و جراح
و الآه تكوي..... و الف تنهيدة
مرقت سنة،، هالقلب منها داب
شفنا أسىٰ،، شو تفرقوا أحباب
شَاب البحر من هجر فوق عتاب
و صوت القهر بالدار تشريدة
بقلبي سمعت زيتون عم يشكي
و الدالية عصرة قهر...... تبكي
لا ضل ورد و لا بقي ضحكة
يا عين هلّي و بالدمع زيدي
يا رب فسحة نور مستني
من قهر ساكني غصب عني
مشتاق شي لحظة فرح غَني
و اسمع صدىٰ أو صوت تغريدة
مرقت سنة فيها حزن و جراح
و الآه تكوي و الف تنهيدة/ي
نسأل الله بعام جميل لكل الأحبة
و كل عام وانتم بالف خير.
🌹🌹،، بقلمي،، عمَّار يزبك........
تعليقات
إرسال تعليق