ولد مسكين /بقلم الشاعر عيسى العيسى
(((قصة من الواقع )))
ولد مسكين ومرقع تيابو
وما عندو محفظة تحفظ كتابو
نزل ع المدرسة حفيان قدمو
وصاير مهزلة مابين ترابو
جو المدرسة والتلج يندف
شفافو من البرد والخوف ترجف
وحق المصطفى والرب احلف
ما ذاق الزاد ولا بيعرف شرابو
طفل مسكين واستشهد بيو
وامو تعتني باختو وخيو
تدور بواب ع الجيران تشحد
وناس كتير تسّكرلا بوابو
عندا جار عينو ع الاصيلة
بدو يرتكب معها الرزيلة
الحرة ما بتاكل بثديها
ولو صف الدهب مليان جيابو
بدها ع الأدب تربي ولادا
وما بدها الناس بالاخلاق عابا
وما بدها بالقبر والزوج يغضب
وتصب الرزيلة ع ترابو
عيسى العيسى
جبله سوريا
تعليقات
إرسال تعليق