سامحني يا قلبي/بقلم الشاعر أسامه جديانه
سامحني ياقلبي ظلمتك
وعيشتك سنين مخدوع
حياتنا صاحبها الضياع
وقلبي ما الألم موجوع
مليتك بالحنان والحب
سقيتك كأس الخنوع
أمرتك حب كل الناس
ما تفرق بين جنس ونوع
وكان حسك ينبهني
وتصرخ بألم الدموع
قلوب جوايه خداعه
وآيدالك بالنهار الشموع
شموع الزيف والوضاعه
شعاع الشمس كله سطوع
أهملت كل همساتك
وفضلت أن أعيش مخدوع
وقلت يمكن ييجي بكره
وتتغير عندي المفاهيم
لقيت الكدب صار حرفه
من غير مذاكره ولا تعليم
وشفت الغش بعيوني
وشمس الدنيا صابها الغيم
صبرت كتير على خداعهم
وأرهقتك من الترميم
صبرت معايا ياقلبي
وكنت علي ياقلبى رحيم
لقيتهم بالأسى داسوا
على قلبي ودُقت الآه
قفلوا على نبضي أجراسوا
وصوت الصمت جوايا تاه
حاولت أفرز سكان قلبي
لقيت الكل بقى براه
ياريتني فرزت من بدري
وما دُقت ياقلبي الآه
(((أسامه جديانه)))
تعليقات
إرسال تعليق