اتفقنا/بقلم الشاعر عماد رشدي

 اتفقنا ف اِتفاقنا 

أننا نبعد ولكن

لسا باقي الحب بينا

اتفقنا

ننسحب بس بهداوه

نفترق وبدون عداوه

واما نتقابل ف صدفه

العيون تسرح ف نظره

و الوشوش ب100 علامة

والقلوب الطيبين

حاملين قساوة

و الأيدين الملهوفين للسلام 

متكتفين جهل ومرارة

اتفقنا ف اِتفاقنا 

إننا بعد التلاقي

ننتصر ونروح بواقي

نتحد ك روحين ف جسمك 

ننغمس لهفه وأماني

أرضي عطشانه لنبعك

أرضك التفاح غواني

اندهيني

قربيلي

احضني جسمى اللي باقى

عوضيني سنين عجاف

وازرعي عيونك غناوي

اتفقنا ف اِتفاقنا

جوا عالم من خيالنا 

إننا م اليوم ورايح

نتحد حتى الممات...

بقلمي

عماد رشدي