حال الحال/بقلم الشاعر راضي يوسف مشيلح
حال الحال
،،،،،،،،،،،،،،،،،،،
اجا من صوبهُن ريح الشمالي
ب صوت مزمجر القصه حكالي
قالي الحال حال وصار اغبر
حتى الخبز صفّى كثير غالي
قلت يا ريح يمكن انت اخبر
ب حال الارض وب حال الاهالي
وكيف الفرح عن هالناس ادبر
الليالي ما بقت عندُن ليالي
الفقر والجوع ياما ناس اجبر
يهجوا عن بيوتن والغوالي
واللي هالمكيده هيك دبّر
وع خلق الرب فالعالي اتكبّر
مَ رح بيظل نايم ف العلالي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
تعليقات
إرسال تعليق