أوعه تخدعك // بقلم الشاعر سامي محفوظ حنا
أوعه تخدعك
بقلم سامي محفوظ حنا
أوعه تخدعك
المظاهر من الخارج
ياما عفاشه
بتغطيها خوارج
يا ماحلى القبر
متبيض من الخارج
وجواه عظام نتنه
والدود منها خارج
ولسان المنافق
الكلام الحلو منه خارج
ومن وراك كلامه سم
من أفعى خارج
إبن الأصول
يظهر وقت الشدايد
شهامة إبن البلد
أصل فيه مش من الخارج
أصل الناس معادن
مش كلها دهب غالي
ياما معادن
بشكل الدهب بتلالي
وهي رخيصة ما تساوي
زي رجال كلامها
حلو متساوي
وقت الشدة تلاقيها
رخيصة ما تساوي
جواها عفاشه
مغطياها خوارج
والغريب جن جنون الناس
يشوف الواحد من مظهره
يقولوا عليه ابن ناس
والفقير المحتاس
بيقولوا عليه مرض
اعزلوه وابعدوه عن الناس
وكأنه مش من الناس
والناس بقى لها الظاهر
وبالمظاهر تتظاهر
مش مهم القلب
مش مهم الداخل
المهم الصورة من الخارج
يا ناس الدنيا مش دايمه
والكل منها خارج
أو عه تخدعك
المظاهر من الخارج
بقلم سامي محفوظ حنا
تعليقات
إرسال تعليق