هدايا/بقلم الشاعر عمار يزبك
😔😔
هدايا !!
؟.....
ياما بالصدر نامت خبايا
فيها ألم عم يخفي حكايا
غبت كتير،، جايي تعتذرلي!!
بعد الهجر..... شو نفع الهدايا
كانت فرحتي و منك البسمة /ي
و تحمل طلتك للروح نسمة
و بَعدك بالبُعد ضيعت اسمي
و صفىٰ الحلم ساكن عالمرايا
بأرض الدار،، عالشجرة علامة
حلا التذكار و حروف الأسامي
كنت تقول جوّا القلب نامي
يا ريف العين يا ست الصبايا
رجعت و حامل بإيدك هدية
مفكر ترجع البسمة الهنية ؟
ع خد الورد شوف المزهرية
ورد دبلان... و جنينة خطايا
غبت كتير،، جايي تعتذرلي !!
بعد الهجر،، شو نفع الهدايا .....
😔😔،، بقلمي،، عمَّار يزبك....
تعليقات
إرسال تعليق