كانت كبيرة/بقلم الشاعر نادر منجة
كانت كبيرة والعمر دوني سنين
والفقر ظالم مابيشفق عاعمر
والأهل جهل وشقى ومعترين
مابيحسبو لا بعد منخارن شبر
كانت ذكية والأوائل شاهدين
والقلم هام بايدها ومتلو الحبر
كرمال راتب قيمتو خمسين
عالعاصمة سبقت طريقي بكم شهر
ومتلا أنا كرمال مية وفوقها عشرين
معهد نفط بصفوفه دخلت وجبر
تحملت قحط ومدتو سنتين
ولولاها أختي مابينفعني صبر
كانت الي بيي وأمي والمعين
وبنهار شمسي وبالعتم كانت بدر
أكلاتها كانو يكفو تنين
ولهفاتها كانو سلاحي عالقهر
صبرنا وشع الأمل بالعينين
وماضل عنا بالسما نجوم الضهر
عالفقر خضنا الحرب متحدين
وللخير صرنا للبساتين النهر
لكن قدرنا مارحم خيين
بالمحرقة الخي وألخيت صارت بالقبر
شاعر العرب نادر منجه
تعليقات
إرسال تعليق