ناطر أمل/بقلم الشاعر عمار يزبك
ناطر أمل،،،
😴😴😴😴😴😴😴😴
بقلبي، بروحي يا هوىٰ بهواك
ما عاد تنفعني الدني لولاك
بتذكر عرفتك بعد أيلول،،،،
لما الشتي،، سقسق علىٰ الشباك
بتشرين في عندي غلااا ذكرىٰ
متل الحلم،،،، بعدو مرق بكرا
ونام الجمر جوّا قلب محزون
عصف التلج، تشرين مع كانون
وهب الهوىٰ والريح تنده ريح
والمطر سبَّح أرضنا تسبِيح
بشباط عيد الحب مَّر و زار
وبقيت ناطر تا مرَق،،، آذار
وضل الأمل مع مسحة الأحزان
يرجع يِّفَتح ورد مع،، نيسان
لا شفت ورد،، ولا شفت أزهار
حزيران يركض من بعد أيار
وتموز لاحقهن بعد خطوات
يهدي،، لَ آب الجمر والآهات
وبتذكر عرفتك.... بعد أيلول
لما الشتي،،، سقسق علىٰ الشباك
😴😴😴،، بقلمي،، عمّار يزبك،، 😴😴😴
تعليقات
إرسال تعليق