دعوة للحب/ بقلم الشاعر اليان سمعان

ما احوجنا في هذه الايام الى المحبة والتعاون

.......................................................

00==-*-==00 دعوة للحب 00==-*-==00

........................................................

فتحت قاموس العمر لقيت حرفين

00==-*-==00 مكتوب ح و ب هيك مش اكتر

حرفين بين قلوب بتشعل النارين

00==-*-==00 من المهد للحد كل يوم عم يكبر

بيبدا بطفل حملتو امو على الايدين

00==-*-==00 من روحها بتعطيه حليب المقطر

بيوعى شوي يلعب بين خيين

00==-*-==00 وعمتو تقلو دخل عيون هالاسمر

وجدو هدايا يجيب ياخد بوستين

00==-*-==00 وستو بفرح تعطيه قطعة السكر

وتبدا المدرسة ويروح يتعلم كتابين

00==-*-==00 وامو بفرح تنطر بتساعدو وتسهر

ويبدا القلب يدق وبتعشق العينين

00==-*-==00 ويبدا الوعي يكبر والحب يتخمر

لرفيقتو بالصف بلش يكتب همستين

00==-*-==00 يمر الزمن والحب كل يوم يتطور

تعلم حروف الشعر يكتبلها بيتين

00==-*-==00 يكتب بحبك عاطراف شالها الاحمر

كبرو ومر العمر وبعدهن حرفين

00==-*-==00 هني الفرح للروح وبيوت عم تعمر

صدقت ياقاموس هني للسعد بابين

00==-*-==00 ياناس عيشو العمر بحرفين مش اكتر

...............................................................

صباح المحبة والعطاء

صباح السعادة

احبتي

-----------------------------------------------------

الشاعر السوري المهجري --- د اليان سمعان

سفير اكاديمية السلام الدولية في المانيا -- مكتب كاليفورنيا