من ‏حكاية ‏الليل ‏ ‏ ‏// ‏ ‏ ‏ ‏بقلم ‏الشاعر ‏نسيم ‏ح ‏حنا ‏

من حكايا الليل

  أمس اجتمعنا

أمس اجتمعنا وكان ما معنا

هيكي ملاك الحب جمّعنا

عيلة تقية بتهدس ب الله

شيطانهم ما كان يتسلى

ملّ الطريق وعنهم تخلّى

والرب لمّا نقول يسمعنا

كان الطبق حاكم بهالعيلي

يجمع رعيتو عافرد ميلي

ع فطور من زيتون أو زعتر

والخبز من تنور متامّر

بين الأيادي كان يتغندر

خبز القناعة كان يشبعنا

واليوم صفّى الحب كذّابي

ما ضلّ صادق يطرق بوابي

رغم الغنى والفحش عادربي

ما عاد في إخلاص في محبّي

ما عاد يلفي الخي عا خيّو

ولا عاد يذكر هالضنى بيّو

كلمن ببالو ما خلق زيّو

ما في بقى أخلاق تردعنا

عندي نصيحة لحضرتي والغير

لمّا عبدنا المال مال السير

كلمن لحالو عايش لحالو

عامل من الليرات بنطالو

عندو من الأرزاق ضيعة ونص

لولا عطاك الهم رح بيغص

بيقول هم الناس وجّعنا

ما بترجع الأحوال للأول

إلا ما جيل الشر يتحول

ويصير جمع المال مش همّو

يركع صلا لو نحنحت امّو

يمسح حروف البغض عن تمّو

بتصير عين الرب تقشعنا

بقلمي

نسيم ح حنا