صحوة ندم/بقلم الشاعر عمار يزبك
😥😥
صحوة ندم.......
شو ضل باقي.. منك اتعلم
يا قلب قاسي من الظلم أظلم
وهبتلك كنوز القلب و الروح
ما حسَبت مرة بيوم رح أندم
شو غيَرك طفلي المدلل كنت
كنت الحلم،، ياما و فيك حلمت
حالي سألت اليوم،، مينك أنتْ؟
زرعت الجرح!!! و القلب يتألم
معقول نبض القلب صفىٰ فراق!
و الروح لَ نبضة عشق تشتاق!
ضاع الفرح و الحُب و الأشواق....
تاري أنا....... بالحلم عم بحلم
عَضيت عَ جرحي و نمت بكير
و غفيت مع حلمي و نزفت كتير
عطيتك عُمر 😔 و غلطت بالتقدير
تاري الما بيحسَب مَ رح يسلم،،
وهبتلك كنوز القلب و الروح
ما حسَبت مرة بيوم.. رح أندم
😔😔،، بقلمي،، عمّار يزبك....
تعليقات
إرسال تعليق