فيها ايه // بقلم الشاعر محمد غبن
( فيها أيه)
بقلمي الشاعر/ محمد غبن
شاعر آل غبن وسفيرا للسلام الدولي
29/7/2021
أيه حصل بينا مش برضوا
انا اللي خليتك تحبيني
وبقيت من وقتها
حبيبتي وضي عيني
اجمل مافي الموضوع أما
تبني وجودك في قلب حبيبه
بتكون ليك شمعة
دنيتك نور لسكتك وقريبه
بتصنع حاله كدا لذيذه
من الوجود المسموح بيها
والله عليك لما يكون
فكركم واحد بالدنيا وماعليها
بتلاقي روحك طايره وتحس
إنك مسؤول منها ومهتمه بيك
دا صنع إلهي محببك
فيها ومحببها فيك
حاجه كدا زي ماتقول روح
طايره في عالم تاني وجميل
بعيد عن الدوشه والصخب روح
ملائكيه مصحباك ملهاش مثيل
فيها ايه لما كلنا نشكل حياتنا
بطريقة تخلينا نحب بعض
بلاش نتكالب ونتصارع إحنا
عايشين ضيوف ع الأرض
لا زمانا هوا زمانا ولا إحنا ملوك
أو سلاطين ومحتاجين لعرض
بلاش نتكايد ونحمل
النفسنه والسواد لبعض
كلنا خلقه وعباده وافتكروا
إن فيه يوم حساب وعرض
ياريت نلحق نفسنا
قبل فوات الأوان
بقالنا سنين بنتكلم وننصح
والكل قافل بمزاجه الودان
والله ربنا كرمه كبير
وميرضاش بالظلم والبهتان
اللهم بلغت واسيبكم واعيش
مع قلبي اللي كله حب وحنان
جايز ألحق اي شيء من
الدنيا قبل فوات الأوان
تعليقات
إرسال تعليق