،،،، الهوى سلطان // بقلم الشاعر عمار يزبك
💖💖.
الهوىٰ سلطان،،،،
قديش قلبي تعمشق و علَّقْ
طاير بروحي و الهوىٰ سلطان
و قديش لازم أعشقك هلَّقْ
تا تصدقي أني أنا... عشقان
سلطان يا قلبي الهوىٰ إلنا
هيكي خلقنا و هَون مطرحنا
قديش ع دروب الهوىٰ سرحنا
أنتي و أنا و ضو القمر سهران
ع دروبنا... و عم يرسم البسمات
بتضوي عشق من حُبنا النجمات
و كتير غَنينا..... الفرح كلمات
ع السطح، عالعتبات عالحيطان
شو لمست بِ قلبك حنان الكون
سحر و عطر من مية لون و لون
هيدا العشق جوّا القلب رح صون
و عيش بهوىٰ ما بيعرفو جبران
قديش لازم أعشقك هلَّق......
تا تصدقي إني أنا عشقان
☝️تعمشق : تمسك بشدة
💖💖،، بقلمي،، عمّار يزبك...
تعليقات
إرسال تعليق