قديش فخر بجامعة .... // بقلم الشاعر نادر منجة
قديش فخر بجامعة يخفق علم
ومع كل خفقة بخفقتو يداوي ألم
بحروف بيضة من خيوط النور
دون كتابو سورية وعصبة أمم
دكتور حرفو فاح بزهور وعطر
نسم على الأوطان أفراح ارتسم
كل العيون ارتوت وتعافى الغليل
والخير فاض قلوب والرافد قلم
والصوت دوى والصدى برق ورعود
والديب فل وطاف بالمرعى الغنم
والحق صار عكال بيلف الرؤوس
متل الوتر سلطان بفنون النغم
ورجال كلن أسد أشبال ونمور
يوم الفدى هبوا ووفوا بالقسم
بكتابهم سور الوطن وحصون
وبدروبهم بيضل مرفوع العلم
شاعر العرب نادر منجة
تعليقات
إرسال تعليق