شروقي/بقلم الشاعر د جوزيف رداح
*** شروقي***
راحت ليالي الهنا واتفرقوا اﻷحباب
وقلبي المعذب طبع ع الليل دمعاتو
شو ابعثت رسايل رجا وماجاني حتى جواب
وبالبعد كبر الجرح وزادت معاناتو
ولفي الكنلي وفي عن عيني راح وغاب
جرحلي قلبي النقي ووقفلو دقاتو
منو /ل الله/ قلت لما اعرفت كذاب
بكذبو اعرفت الحزن واعرفت معناتو
ولك ليش ياحلم المنى تهجر بلا أسباب
واتشمت فيي العدا من بعد ما ماتوا
جسمي عليك انضنى ومن الظلم تخ وذاب
من بعد ماكان الورد يرقص ع لفتاتو
ما انكرت إنو الهوى بعدو علي غلاب
وﻻ انكرت إنو القلب بيرقص ع كلماتو
لكن البيخون العهد ع اتفه اﻷسباب
بيكون جاني على غيرو وعلى ذاتو
د. جوزيف رداح
تعليقات
إرسال تعليق