انا الشهيد // بقلم الشاعر محمد عبد الحميد السيد
انا الشهيد
بحب ارض بلادي حبها اتولد بالفطرة
حب الوطن عبادة كلها سعادة وبركة
انا اللي كنت بحلم بالشهادة النهاردة قبل بكرة
الشهيد بيفضل عايش عمره ماهيبقى
في يوم ذكرى
الشهادة بالنسبة لي حلم مش مجرد فكرة
اللي يعشق تراب بلده يجري عليها ويحميها
لو عدوها فكر في يوم يحتلها أو يأذيها
يجري عليها البطل وبروحه ودمه يفديها
الشهادة مكانة عالية ولازم من قلبك تكون
ببتمناها وناويها
الشهادة مش مجرد كلمة نقولها ونحكيها
أو نغنيها
لازم نكون عارفين تمنها وقيمتها ومعانيها
انا اللي حلفت بدمي وروحي احمي بلدي
ولاخر نفس تكون رايتها في ايدي ماسكها
أنا الشهيد ياسادة والشهادة سر السعادة
الشهادة دي عبادة
انا اللي وقفت احمي ارض بلدي
واحافظ على الحدود
وقفت انا واخواتي سهرانين نحرص
ارضها زي الاسود
اعظم شرف انك تحافظ على ارض
اهلك ارض الجدود
انا الشهيد طول حياتي رافع رايتنا
انا والجنود
من يوم ميلادي بعشق تراب بلدي عشق شديد
انا الوحيد يوم وفاتي بتولد من جديد
انا اللي يوم جنازتي بيقولو عني
البطل الشهيد
هافضل معاكم بروحي مش هروح لمكان
بعيد
انا حي في السما طاير عايش سعيد
من يوم ميلادي ومكتوبالي اكون شهيد
معايه هنا ناس كتيرة واليوم ده عيد
وقولو لامي ولابويا افرحو يا اهل الشهيد
افرحو يا اهل البطل عريس الجنة الجديد
افرحي يا امي ابنك النهاردة اتولد تاني
من جديد
راح سبقكم وحجز لك انتي وابوه
في الجنة مكان
هو ده وعد من نبينا المصطفى العدنان
الشهيد مقامه عالي في اعلى الجنان
روحه حره في السماء بتروح لاعلى مكان
من سعادته لما شاف مقامه قال ياريت
نلت الشهادة من زمان
اللهم ارحم شهداء الوطن في كل مكان
بقلمي محمد عبدالحميد السيد
جمهورية مصر العربية
تعليقات
إرسال تعليق