انا المجند/بقلم محمد عبد الحميد السيد
انا المجند
انا المجندحامي الحمى حامي البلاد
انا اللي عايش بحمي أرضي من الاعاد
من يوم ميلادي وهبت روحي فدا البلاد
على الحدود واقفين أسود ضد الفساد
احنا الجنود عزيمة وصمود سمر وشداد
وقت المعارك صحيتنا تعلى تزلزل بلاد
واقفين في ظهر بعضنا وحبنا ميه و زاد
احنا الجنود رافعين رايتنا وتعال شوف
القلب جامد والعزم شادد مفيش اي خوف
اللي يفكر يقرب من ارضنا يجي يشوف
هنذبحه ونعلقه على ارضها زي الخروف
ارضنا دي عرضنا وع الحدود واقفين صفوف
رافعين سلاحنا وقصة كفاحنا عارفينها الألوف
انا المجند انا البطل حامي البلد عزمي شديد
عمري ما خفت الموت قلبي جامد حديد
بصرخ بقوة في المعارك صرخة تهديد
في المعارك الكل يشارك بقلب
واحد مجند او لواء او عميد
كتفنا في كتف بعض مفيش اسياد ولا عبيد
انا المجند بحلم وانا بحمي بلدي ابقى شهيد
وهبت روحي فدا ترابها وانا فرحان سعيد
هتلاقينا في كل حته في ارضها
تحت الرمال بين الصخور
فوق الميه وتحتها وكل البحور
طايرين في سماها زي النسور
زي الصقور
نصيحة مني عن ارضنا أبعد بعيد عنها وغور
خاف من جندها لما يغضب أو يثور
هيدمرك لو كنت طاير في السما او
في الجبال او في البحور
جند مصر معروفين بالصلابة والعزيمه
في كل العصور
ارضنا دي عرضنا و حبها هو الايمان
ارضنا دي بلد الحضارة والسلام من زمان
قالها ربي ادخلو مصر بلد المحبة و الامان
مفيش في بلدي مكان للي باعها ولا اللي خان
عاشت مصر حرة مستقلة بلد الامن والامان
تحيا مصر تحيامصر
من قلبي و بقلمي محمد عبدالحميد السيد
جمهوريةمصرالعربية
تعليقات
إرسال تعليق