جسر الامل /بقلم اليان سمعان
~~~~~ جسر الامل ~~~~~
ه~~~~~~~~~~~~~~~~~ه
ه
جسر الامل عابحر الزهد باني
معلق بحبل الرجا ليوم
تاني
ه
بوقف عاهاك الجسر اتامل الماضي
وين كنا هيك وكان الفكر فاضي
كنا بسعادة نعيش وماحدى راضي
لوتعرفو هاك الجسر لوين
وداني
ه
معلق بالرجا في رب مابيتركنا
شايف احوال الناس والوضع هالكنا
مننطر لبكرى يجي والهم شاركنا
ارحم عبادك ياربي الكل
بيعاني
ه
اهدينا يارب الكون قلبنا مجروح
حصار وغلا اسعار وين بدنا نروح
بيكفي قلق ماتم فينا روح
بغمض عاحلم الفرح والخوف
ناداني
ه
بكرى الفرج جايي منرجع متل اول
لابد ماتطلع شمس لو هالعتم طوّل
وايام عشناها تعب بكرى بتتحول
بشعاع شمس الامل تدفا ايام
بردانة
ه
ايدك بايدي عاجسر الرجا نطلع
باخر هالجسر الدني بتحلا وتوسع
انشالله بشاير فرج عالصبح نسمع
وترجع ليالي الفرح والكاس
وغناني
ه
جسر الامل عابحر الزهد باني
معلق بحبل الرجا ليوم
تاني
ه
ه~~~~~~~~~~~~~~~~~ه
صباح الامل والانتظار
صباح الرجا والخير
بكرى احلى
انشالله
ه.......................................................ه
الشاعر السوري المهجري
د اليان سمعان
سفير اكاديمية السلام في كاليفورنيا
تعليقات
إرسال تعليق