رسالة شهيد/بقلم الشاعر جوزيف رداح

 .......رساله شهيد ....

شو بعد فيي قول يا أمي 

يا أول اسم بيغازلو تمي 

يانور السما ....يانفحة البخور 

ياعطر القداسة الماشية بدمي 

لو فيي جبلك الخاتم المسحور 

وفراح كل اﻷرض ملتمه 

وأفرش طريقك بي ورد وزهور 

تاكل ما اضحكتي ينفرج همي 

بس الوطن هالخاطرو مكسور 

وعليه ذئاب اﻷرض ملتمة 

نادى وﻻدوا واتوافدوا النسور 

تا يبعدو عن مبسمو الغمة 

مافيي ابقى بعيشتي مقهور 

لعيون وطنا برخص بدمي 

ويوم النصر رح نشعل البخور 

ونرفع علمنا فوق بالقمة 

واذا استشهدت يمي انا معذور 

ﻻ تزعلي .. ﻷني أنا رح كون 

شفت جنة ربنا مرتين 

مرة لما اختارني رب السما 

ومرة القبلها بريحتك يمي

مﻻحظة حقوق النشر محفوظة ..

د.جوزيف رداح