قالولي / بقلم الشاعر ابراهيم محمد آدم
قالولي
قالولي ابعد عن
الجمال
تهت وتاهت افكاري ! !
طب إزاي ؟
هو بعد الجمال
فيه كلام يتقال.
دا الجمال
نعمه وهبه من الإله
مخلوق زي
الانسان
في كل مكان هو
العنوان
تلاقيه في نور القمر
ونجوم السما
وعلى الارض
في الجماد والحيوان
وبني الانسان
تلمحه في العيون
وتقراه مرسوم
ع الجبين
وتشوف نوره جوه
العيون
وطبق الحسن وغمازة
الخدود
وياااه على خطوة
الحلوين
خطفوا قلبي نحيتهم
اصل الجمال علامه
وعنوان
من غيره قول على
الدنيا السلام
لا تلاقي ابتسام
ولا فنان
ولا ورد بكل الالوان
ولا تعرف انسان
من انسان
من غير الجمال
قول على الدنيا
السلام
ابراهيم محمد آدم
تعليقات
إرسال تعليق