( أنا غلطان ) // بقلم الشاعر محمد غبن
( أنا غلطان)
بقلمي الشاعر/ محمد غبن
شاعر عاميه بطريقه محكيه
30/11/2021
هو انا غلطان لما
جيت أسأل عليكي
عامله أيه وأخبارك
إن شالله بخير ويشفيكي
استحق يكون ردك
كدا بعدم القبول والإهتمام
يمكن اكون تقلت بس
اللي اعرفه سؤالي مش حرام
إنتي بقيتي حاجه
كبيره حقيقه جوايا
كان نفسي اقابلك من
زمان وتكوني دنيايا
ولا الحب والعشق في بلادنا حرموه
ع اللي زينا من المساكين
زي حلم الجعان برغيف
عيش ومعاه جبنه وبيضتين
وانا من طبعي حنين
وطيب عمري ماكنت بوشين
آسي الزمان كتير وكانت
آسيته قتلت بعندها الحنين
ماضعفتش ولا ماليت وكأن الزمن بيعوضني بلقاءنا الأتنين
آديني ياسيدي بعوضك عيشوا بقي
وخليكم حبيبين
تعليقات
إرسال تعليق