يا ولاد الحلال /بقلم : اسماعيل مصطفى
يا ولاد الحلال
أميرة تايهه تايهه
من عام الدلال
عيونها ظبية لامعه
من كحل الوصال
والرمش شايل دمعه
والجفن احتلال
وخدودها ورد حمره
بساتين الجمال
شفايفها عقيق وزهره
وانا قلبى اعتلال
خرجت من يومها طاهره
دخلت بطن الغزال
العشق حروفها سبعة
والاسم فوق التلال
وقوامها بشوق وربعه
تسمعها تشوف هلال
الروح ساكنه بروحها
والقصر فوق الجبال
وسحاب الورد سامعه
نوحى بشوق ليال
باكتبها همسه ودمعه
واحسبها ترأف بحال
أتاريها عنى سارحه
تايهه بنجوم غوال
يا ولا الحلال
أميرة تايهه تايهه
وف رجليها خلخال
عايمة فى بحور ودايبه
والعشق إكتمال
فى منامي ألاقيها سابحه
بتطوف بين الجبال
ماسكة فى ايديها سبحه
غوثا رب الجمال
حجابها بياضه لمحة
والشهد شهود عوال
يا ولاد الحلال
أميرة ملاكى تايهه
والورد ف ايدها مال
مسقية بشوق وعايقة
مروية بماء زلال
الحسن بساتينها رايقة
والدمع بهمسى طال
وعيوني بشوقها دايبة
والروح والصبر طال
يا ولا الحلال
أميرة تايهه تايهه
بعنيها الدلال
مين شافها يقول لصاحبه
يمكن يحصل وصال
وتعيش حروفنا شامخة
وتشوف بحر الغزال
ونجوم تظهر بطلعة
وقمر يشتاق دلال
يا ولاد الحلال* عامية
بقلمي إسماعيل مصطفى
تعليقات
إرسال تعليق