الشاعر نادر منجة. ألى فاتنة
ألى فاتنة
قديش حلوة نبتدي بدرب وبمشوار
أيدك بأيدي والتانية عالخصر زنار
لفك وضمك وشد تايلحمو الكتفين
وخدي عاخدك وعطرك يجنن الأفكار
وكل ماتهمسي فاح عاشفافك حبق
بلون الحنين الورد زهر وبصديرك نبق
رح يفزعو الحروف ويغوصو بسبق
تايكتبو بعرس الحلا أوصاف للشعار
وكل ماتتنهدي ويدق فيكي القلب
ويرقص تحت دوساتك عشب هالدرب
شعلان قلبي وناطر مطر هالرب
زيدي بدلالك لو زاد فوق الجمر نار
مع تحيات الشاعر نادر منجة
تعليقات
إرسال تعليق