بقلمى /الشاعر محمد غبن ( هدوس ع الصعب)
( هدوس ع الصعب)
أيوا هدوس ع الصعب وهمسح
سنينى اللي كانت فيها الآسيه
وهشوف مين اللى وقف
جنبى وسقانى بإيده الحنيه
مهو برضوا يبقي ظلم
إنى أسامح اللى جه يوم عليا
مش سواد ولا حاجه في القلب
دا عشان نسينا الفطره الربانيه
لإننا تعبنا كلام ونصايح
وكإننا بنكلم سمك جوا ميه
هي البشر كدا فى طبايعها
جواها الطمع والحقد والدونيه
والحكايه كلها مش مستاهله
هنبقي موتي وفي قبور مرميه
ياااه علي سواد القلب خلانا
نعامل بعض بلا حب ولا انسانيه
وعشان كدا معدش عندنا مراره
نتعايش مع قلوب فيها كبر وجباره
الحنان غريسه بس نفوسنا أماره
ومفكرين انها حاجه حلوه وشطاره
وعشان كدا الدرس جالي
معلش متأخر انا أسف ياعقلي
هسمع كلامك بعد كدا واللي
تقوله أوامر يامالك حواسى وأمري
خلاص بقي قولتلك اسف
شايفني بترجى فيهم أو بجرى
اللي مايشغلش نفسه بيا
خلاص انا نسيته من بدري
بقلمى /الشاعر محمد غبن
شاعر آل غبن
22/4/2020
تعليقات
إرسال تعليق