حلم وراح // بقلم الشاعر محمد غبن
( حلم وراح )
بقلمي الشاعر/ محمد غبن
شاعر آل غبن وسفيرا للسلام الدولي
29/6/2021
صرحتلك بحبي اعتبرتيه
جرم اوكإنه شيء بطال
برغم إنهم وصفوه كتير في
اغاني ويجي كام موال
حبنا حقيقه مش خداع وسراب
بلاش تقتلي فيا الأمل
ليه مصممه تقفلي الباب
جايز يكون خير حبنا بطبعه
برئ ليه عايزاه يعيش ف غياب
ويفقد اجمل إحساس لأغلي
حبيبه اقرب ليه من الصحاب
صنعت جوا قلبي فرحه زي
فرحة غايب رجع لأهله والاحباب
ولا تكوني حاسه إني أذنبت
وحكمت عليا وحكمك كان العقاب
ع العموم بعتذر بس مش ليك
اعتذاري للقلب اللي فيك داب
وعاش وهم إنه حبك وطلع
كابوس مفزع وامل كداب
اخر قصتي وكلامي عيشي
وادعيلي بس إني أنساك
وأحاول اضغط على قلبي
كإنه مشفكيش ولا في يوم لقاك
لإنك خلاص بالنسباله وهم
طلع منه حزين خسران
هيحاول ينساك واكيد صعب
وكإنك حلم وراح ف خبر كان
عايزاش حاجه من مسكين ضاع
منه كل شيء حتي كمان الحنان
تعليقات
إرسال تعليق