بقلبك دفا/بقلم الشاعر عمار يزبك
بقلبك دفا،،،،،
👩❤️💋👨👩❤️💋👨👩❤️💋👨👩❤️💋👨👩❤️💋👨
بقلبك دفا،، ما شفت متلو لون
الله عطايا الحب،،،، عاطيكي
داب التلج لما مرقتي هون
بجمر الدفا،،، من نور عينيكي
أيَّا تلج،، أيَّا جبل صنين
بيوقف قصاد عيونك الحلوين
بقلبك دفا،، لمْجَامر كوانين
والورد ساكن فوق خديكي
كنتي حلم،،، صرتي حقيقة حب
كنتي أمل،،، صرتي رفيقة درب
كنتي الصعب قديش هان الصعب
صليت ياما!!!! القلب شاريكي
داب التلج،،، لما مرقتي هون
بجمر الدفا من نور عينيكي
👩❤️💋👨👩❤️💋👨👩❤️💋👨 بقلمي،، عمّار يزبك،، 👩❤️💋👨👩❤️💋👨👩❤️💋👨
تعليقات
إرسال تعليق