عابر سبيل /بقلم الشاعر فهمي محمود حجازى
عابر سبيل
عابر سبيل وماشي قابلتني جنية
عيونها عيون المها والنظرة حنية
سحرني جمال حسنها وأنا غاوي ملاغية
قولتلها قلبي انكوى راحت مناديه
كل الرفاق عندها يتفرجوا عليا
قالوا صريع الهوى عاشق لجنية
مسحور وماله دوا ولا كانت النية
يصبح أسير الهوى وقيوده فولازية
يامأسورين م الهوى فين نصحكم لئ
سبتو ني لما حسنها أسر الفؤاد فئ
وخدني ولحدها وقيودي حولئ
سلمت نفسي لها وقولت ياحورية
قلبي اللي حبك هنا مسجون بلا دية
عاشق لسجنك أنا ومبيت النية
أعيش أسيرك أنا ولا أفكر فى حرية
بقلم فهمى محمود حجازى
تعليقات
إرسال تعليق