العصفور الي طار // بقلم الشاعر زاهي سكيني
العصفور الي طار وغاب
من زمان ما طل
وطال غيابه
حن ورجع
يرفرف فوق الشجرات
ينطنط على الصخرات
يغني للوردات
مع لحنه
تتراقص الفراشات
من حقل القمح
يسرق حبات
يتمرمغ بترابه
العصفور اللي طار وغاب
وطال غيابه
رجع للبيت
يتفقد اصحابه
غط عا الحيط
بنظراته يفتش ع احبابه
منهم ما حدا طل
رفرف شوي
ووقف ع مسكة الباب
ناداهم وما سمع جواب
تاخر الوقت والمسا حل
والدار بقيت مسكرة ابوابه
من جديد طار العصفور وغاب
وممكن ما يرجع من غيابه
وما في حدا بالبيت العتيق
وورق الشجر بشوقه غريق
وعطر الزهور مشغول بقلوب
شاعل فيها حريق
طار العصفَور وغاب
طال غيابه
ما رجع
ضيع الطريق،،،،،،
زاهي سكيني
تعليقات
إرسال تعليق