بدك بقلم الشاعر عمار يزبك

 بدك،،،

      ❤️💜❤️💜

بدك غزل، رح درغل الليله غزل

بدك عسل، بقطفلك خوابي عسل

بدك ورد، بزرعلك حدود الدني

أجمل ورد لعيون ساكنها الأمل

بدك عُمر، عُمري إلك يا مدلله/ي

بدك جمر؟ والقلب عم يغلي غَلي

بدك دهب، صايغ أنا  لو تقبلي

بدك قُبل،،، دابت علىٰ شفافي القُبل

بدك ربيع، بعطر روحي غامرك

بدك شتى، والدفا بقلبي ناطرك

بدك قمر ونجوم، يكرم خاطرك

بدك سكَّر؟؟ والقلب بعيونك ثَمل

بدك ورد، بزرعلك حدود الدني

أجمل ورد لعيون ساكنها الأمل

❤️💜  بقلمي،،  عمّار يزبك،، 💜❤️