ربما حقيقة بقلم الشاعر جهاد المحمد
(ربما حقيقة)😔
مرّت من حَدي الحلوةْ بشعرا الحرير
تُكرجْ متل الحجلاية بين الزرعات
غمزت بعيونا غمزة.والغمز كتير
بيقتل متل الروسية.ومافي طلقات
قلتلا تهدّي شويه بعدو بكير
خلي النور من خدودك يغرف غرفات
وخلي الوردة من شفافك تخجل وتغير
وترجع تتباهى بحالا بين الوردات
وخلي النسمة من تمرق والشعر يطير
تزرع شي ألف حكايه بين الخصلات
وخلي سيوف من عيونك عَ القلب تغير
ونفتح بالحب حروب ونعمل غزوات
قالت باينتو حظي معتر تعتير
عترني بشاعر غاوي بيع الكلمات
صرلي عم حاول إنسى شرّف جرير
يا فضيحة عمري وحظي بين البنات
والله ما بدي شاعر يهدر هدير
بدي مهري مصاري مع الدهبات
عمري ما شفت شاعر إلا وفقير
إن قلتلو بدي هديه صف الكلمات
بكلماتو قلبي والله تخدر تخدير
بس المعدة جوعانه وبدها أكلات😥
القصيدة ما بتدفي ولا الحصير
بدي شقة مفروشة بأحلا موضات
يا شاعر روح اطلع مانك ضرير
شوف ال متلي شو
صارو ست ستات
كسرت قلبي بكلماتا بنت الحقير😔
إل متلي بالزمن الماضي كانوا حكايات
ويمكن حقتني الحلوة وبدها تفكير
بحكياتا .إل متل السكر بين السّمات
الشاعر بعيون العالم شو صار صغير
يا ربي عجل خدني من ها الحياة
جهاد المحمد
تعليقات
إرسال تعليق