(غفلة حلم)بقلم:أ.شمس المحبة

الأكاديمية السورية الدولية للثقافة والعلوم

///غفلت حلم///

بصفنت ... عمر.. الافكار.... بيفلو

وبشرد  مع الايام  برحلة المشوار

وبعيون.. ذبلاني... من .البكا ملو

وبقلب... تعبان.. ومن  الفرح بغار

وبتذكر الضحكات الاصوات بعلو

ونفرح بيوم جديد بقلوبنا الصغار

ونركض بارض الدار اعيادنا  هلو

وننطر تانكبر  يوم واحلامنا عانار

واثمار  تعباني... من  الورق  طلو

وتحت... العريشه ..حباتها  سمار

وعنقود.... عاامو ...بيسكر  بظلو

وسكران... عم  يشرب  مع الخمار

وخيوط  الشمس  من  السما دلو

تودع... بقايا.... الورد ....والازهار

تداعب.... الاغصان... وتعازل لفلو

وتوشح ....الاوراق ..بلون الصفار

ومر .... العمر...... و ايامنا..... سلو

وصارت الارواح  تكردس الاسرار

و الندم..... بعبابنا....  زهر .. ..بغلو

وياريت ماغفل الحلم حتى نصير

كبار