سورية الأم/بقلم الشاعر عثمان الأقرع
سوريا الأم
................
سوريا بيكفيك عذاب
الروح فنيت والقلب داب
العيون جفت من
فراق الأصحاب
وشبابك عبكير شعرهم شاب
ما في بيت من بيوتك
إلا ودع أحباب
حكايات للتاريخ أنت
بكل قصة و كتاب
بحكاياتك ورواياتك
شهرة الشعرا والكتاب
....
مريضة كنت
بمرضك هجمو الذياب
وبنياب الغدر عضوا
يا ست الاحباب
حد النزيف وصلتي
دم شهدائك طهر التراب
بأسدك وجيسك وشعبك
شفيتي وبدي الحساب
بزئرة أسد خلقت أسودك
صارت تهرب الذياب
كل جندي كان أسد
بالساحات كان الجواب
سلاحك تصوب بعين الصواب
الرب معاك.. وملائكتو
كانت عليك حجاب
النصر انكتب يا أمي
ودخل من كل البواب
بس الصبر كمان شوي
لسه فيك خوان وكذاب
وحكيمك قال بعد العلاج
الجراثيم بتبقى
بالجسد والتياب
يعني شفاء كامل
بيدق الباب
.......
وحياة عزك وإسمك
سوريا للسما عزك يابلادي
نشيد حماة الديار
رح يتردد غصب
حتى ببلاد الأعادي
وأسدك بشارك مرفوعة
بإيدو رايتك
بالنصر تعلى الأيادي
على الشمس اللي ما بتغيب
تكتب وتغني وتنادي
بكتب أسمك يابلادي.
............
عثمان الأقرع
سوريا
تعليقات
إرسال تعليق