ما عاد احمل/ بقلم الشاعر جوزيف رداح
ماعاد احمل ظلم ياربي
الهم قتلني وعيشتي صعبة
يارب ليش اخلقتني انسان
وحطيت بقلبي بس المحبة
اتمنيت كون أعمى بدون عيون
وﻻشوف واحد للوطن بيخون
اتمنيت كون معثر ومجنون
وما أعرف الحبة من القبة
اتمنيت كون أطرش ومابسمع
ﻻصوت بلبل وﻻ دوي مدفع
من كذب البشر العين عم تدمع
ومع هيك ناس بحس بالغربة
اتمنيت كون أخرس بدون لسان
ﻷنو بزمنا ما بقى منصان
قالوا مافيو عظام أيا لسان
وع طول بيكسر القلوب المحبة
انذل اﻷصيل و اعتلى الخوان
وماضل بقلب الناس في ايمان.
احسدت الطرش والخرس والعميان
ورح أحسد اللي حضنتو التربة
جوزيف رداح
تعليقات
إرسال تعليق